Schreibkraft

Im 45er Jåhr samma
von da braunen Diktatur
in de Rote g`flog`n

de rot`n Fåhnen konnt ma
weida vawend`n
nur de Embleme in da Midd`n
håmma tausch`n mißn

und wieda san Nåchbårn
vaschwundn - Wohnungen
requiriert wur`n

waunst an bledn Witz
g`måcht håst iban Josef
wårst genau so schnöö
in an Gulag wia beim Adolf

håm de Kett`nhund
"Halt" g´schrie`n
wårs jetzt da Russ
und der schrie "Stoi"

Nix håt si g`ändat
endlich im 55er Jåhr
samma de gånze Bagage
los g`wur`n und de eigene
Gfriesa konnt se wieda
aufspüün

weu bei de Nazi und Kummerln
wår jå nie wer
und de weiße West`n
wår dåmås scho in Mode

© HK®!ntelen - Wien 07.01.2013